LaToya është motra e Michael Jackson. Ajo është e para nga familja që në vitin 1993 ka pranuar se vëllai i saj abuzonte me fëmijët dhe se paguheshin çeqe me shuma të mëdha për t’u mbyllur gojën familjarëve të të abuzuarve. Ditën e sotme “Daily Mail” ka publikuar një video të një interviste të regjistruar 26 vite më parë. Aty, ajo tregon se nuk mund të heshte.
“Michael është vëllai im, e dua shumë, por nuk mundem dhe nuk do të jem bashkëpunëtore e heshtur e krimeve të tij kundër fëmijëve të vegjël dhe të pafajshëm. Nëse mbetem e heshtur atëherë do të thotë të ushqej fajin dhe poshtërimin që këta fëmijë ndjejnë dhe mendoj se është shumë e gabuar”, thotë 62-vjeçarja në intervistën për MTV të publikuar në vitin 1993.
Sipas “Daily Mail”, intervista e LaToya-s është regjistruar pas akuzave që bëri babai i 13-vjeçarit Jordy Chandler kundër legjendës së muzikës “pop”.
“Tani ndaloni dhe mendoni për një sekondë dhe më thoni, çfarë bëri një 35-vjeçar që mori një djalë të vogël dhe qëndroi me të për 30 ditë? Dhe merr një djalë tjetër dhe qëndron me të për pesë ditë në një dhomë dhe nuk largohet kurrë nga dhoma? Sa prej jush janë 35 vjeç? Sa do të merrnin fëmijë të vegjël dhe të bënin këtë gjë? E dua vëllain tim, por është e gabuar. Unë nuk dua të shoh këta fëmijë të lëndohen”, thotë LaToya.
/a.meta
