Dy adoleshentë kanë terrorizuar Kanadanë, ndërsa policia është vënë në alarm për kapjen e tyre, pasi dyshohen si autorë të ter vrasjeve.
Sipas mediave të huaja, dy të rinjtë tregohen nga shokët si ekstremistë, ndërsa viktimat e tyre të para ishin një çift të rinjsh, djali turist nga Australia dhe vajza nga SHBA. Trupat e tyre u gjetën në një gropë në një rrugë të braktisur të Alaskës.
Të dyshuarit janë Bryer Schmegelsky 18-vjeç dhe Kam McLeod, 19-vjeç. Viktima e tyre e tretë është një 64-vjeçar, i identifikuar si Leonard Dyck, i cili u gjet i vrarë pranë një makine që ishte përdorur nga dyshja.
Babai i njërit prej djemve thotë se është i bindur që djali ka vendosur të vdesë në përballje me armë zjarri me policinë, pasi do të kërkojë “fundin e lavdishëm”.
Banorët në Kanada janë njoftuar ndërkohë që të bëjnë kujdes e të mos u afrohen, pasi adoleshentët konsiderohen tepër të rrezikshëm dhe të armatosur.
