Një mësuesi i është prerë koka në periferi në veri-perëndim të kryeqytetit francez Paris, ndërsa sulmuesi u qëllua për vdekje nga policia.
Viktima në Conflans-Sainte-Honorine thuhet se u ka treguar studentëve karikaturat e Profetit Muhamed.
Prokurori i anti-terrorizmit do të drejtojë hetimin mbi sulmin i cili ndodhi rreth orës 17:00 me kohën lokale pranë një shkolle. Ministri i Arsimit Jean-Michel Blanquer shkroi në Twitter se vrasja e një mësuesi ishte një sulm ndaj Republikës Franceze.
Ai tha se mendimet e tij ishin me viktimën dhe familjen e tij, dhe uniteti dhe vendosmëria ishin përgjigjet e vetme ndaj “terrorizmit islamik”.
Një burrë që përdori një thikë të madhe raportohet të ketë sulmuar mësuesin në një rrugë, duke i prerë kokën. Sulmuesi më pas iku, por policia lokale e alarmuar nga publiku ishte shpejt në vendin e ngjarjes.
Kur iu kërkua të dorëzohej, burri ka kërcënuar. Oficerët e qëlluan atë dhe ai vdiq pak kohë më vonë.
g.kosovari
