Protestat në Amerikë për vrasjen e 46-vjeçarit George Floyd vijojnë ende prej më shumë se 5 ditësh duke shkaktuar dëme të mëdha e shkatërruar çfarë gjejnë para.
Ndërkohë mbrëmjen e djeshme janë publikuar disa pamje të reja të vrasjes së Flyod nga polici amerikan.
Në video shihet momenti kur polici Derek Chauvin e dhunon brenda makinës Floyd pasi e kishin arrestuar. Është pikërisht momenti kur i kur nis dhuna e policit ndaj Floyd, sepse teksa e dhunon brenda makinës duket që më 46-vjeçari tenton të kalojë nga dera tjetër e makinës ku edhe vritet barbarisht nga Chauvin.
Ndërkohë që në mbarë Amerikën po zhvillohen protesta të dhunshme, qytetarët i janë afruar edhe Shtëpisë së Bardhë për ta sulmuar atë, veprim që ka frikësuar edhe Presidentin amerikan Donld Trump, i cili mësohet se është futur në bunkerin nëntokësor të Shtëpisë së Bardhë.
Sipas “The New York Times” lideri i Shtëpisë së Bardhë është dërguar në bunker pasi protestuesit i larguan barrikadat afër portave të Shtëpisë së Bardhë mbrëmjen e së premtes. Nga ana tjetër “CNN” shkruan se Presidenti ka qëndruar aty për rreth një orë para se të kthehej në zyrë. Nuk është e qartë nëse atë e kanë shoqëruar bashkëshortja Melania dhe djali Barron. Megjithatë zyrtarët e Shtëpisë së Bardhë nuk kanë dhënë asnjë koment mbi raportime të tilla për Trump, ndërsa Shërbimi Sekret nuk ka folur për shkak të shqetësimeve operacionale.
Presidenti Trump e akuzoi kryetaren e Uashingtonit, Muriel Bowser, se nuk e ka lejuar policinë lokale që të ofrojnë ndihmë për agjentët e Shërbimit Sekret. Ndërkohë Shërbimi Sekret përmes një deklarate tha se policia amerikane e parqeve dhe policia metropolitane e kryeqytetit kanë qenë në vendin e ngjarjes të premten në mbrëmje. Protesta në Uashington ishte në mesin e shumë protestave të tjera që shpërthyen pas vrasjes së afrikano-amerikanit George Floyd gjatë arrestimit nga policia.
g.kosovari
