Dy persona janë goditur nga rrufeja në Malet e Kaltra në Australi në kohën kur bregdeti lindor i këtij shteti është përfshirë nga moti ekstrem dhe stuhitë e breshrit.
Një djalë 16-vjeçar pësoi djegie në duar dhe këmbë, kur u godit nga rrufeja në Katoomba në orën 2 të pasdites sipas kohës lokale. Një person 24-vjeçar gjithashtu u trajtua në spital.
Ndryshe, dy persona të tjerë janë trajtuar për lëndime të lehta në Canberra pas një stuhie 15-minutëshe që i dëmtoi veturat dhe i detyroi njerëzit të iknin për të kërkuar strehim.
Copat e mëdha të breshërit i thyen xhamat e veturave dhe degët e drunjve.
Shërbimet emergjente pranuan më shumë se 1200 thirrje telefonike për ndihmë gjatë stuhisë dhe menjëherë pas përfundimit të saj, shkruan “Daily Mail”.
Breshëri me madhësi deri në 5 cm u raportuan në periferinë lindore Glen Iris, duke shkaktuar përmbytje mjaft të madhe.
Edhe zonat e prekur nga zjarri, si Victoria dhe Gippsland janë tani në vëzhgim për shkak të përmbytjeve.
g.kosovari
