Një zjarr i madh ka shpërthyer në rrënojat e portit të Bejrut vetëm 37 ditë pasi një shpërthim i fuqishëm shkatërroi qytetin.
Tymi i zi dhe flakët e kuqe u panë midis rrënojave të çelikut por nuk është ende e qartë se çfarë mund të ketë shkaktuar zjarrin.
Agjencia Shtetërore e Lajmeve të Shtetit tha se zjarri ishte në një depo ku ishin vendosur goma dhe vaj. Ai shtoi se zjarrfikësit po luftojnë me flakët.
Michel el-Murr, kreu i ekipit të kërkimit dhe shpëtimit të departamentit të zjarrfikësve, i cili ishte në vendin e ngjarjes duke luftuar për shuarjen e zjarrit ka thënë për mediat se ata kanë bërë thirrje për mbështetje.
“Ne nuk e dimë saktësisht se çfarë po digjet, po përpiqemi të shuajmë zjarrin, por është shumë i madh, na duhet një përzierje e ujit dhe shkumës. Ne kemi kërkuar mbështetje, kemi nevojë për mbrojtjen civile dhe të gjitha ekipet e departamentit të zjarrfikësve këtu tani.”– u shpreh ai.
g.kosovari
