Një ngjarje horror ka ndodhur në qytetin Essex në Angli. Mediat britanike raportojnë se 39 persona janë gjetur të vdekur brendanë një kamion. Policia britanike raporton se ka arrestuar shoferin i kamionit, një burrë 25-vjeçar nga Irlanda Veriore. Burimet paraprake raportojnë për mediat vendase se kamioni ishte nisur nga Bullgaria, ndërsa në të ndodheshin 39 persona, 38 të rritur dhe një adoleshent.
“Ne kemi arrestuar shoferin e kamionit në lidhje me incidentin, ndërsa po vazhdojnë hetimet tona”-thanë oficerët e policisë, raporton “BBC”.
Shefi i Mbikëqyrjes së Policisë së Essex pohoi se ky është një incident tragjik. “Kërkimet tona janë duke vazhduar për të vërtetuar atë që ka ndodhur. Ne jemi në proces të identifikimit të viktimave, megjithatë unë parashikoj që ky mund të jetë një proces i gjatë”, tha ai.
Kamioni me viktimat u gjet rreth orës lokale 01:40 në Parkun Industrial Waterglade që është mbyllur.
Kryeministri Boris Johnson tha se ishte i mërzitur nga ky incident tragjik.
“Po informohem rregullisht dhe Zyra e Punëve të Brendshme do të punojë ngushtë me Policinë e Essex për të përcaktuar saktësisht se çfarë ka ndodhur. Ngushëllimet e mia shkojnë për viktimat dhe familjarët e tyre,”-u shpreh kryeministri britanik.
Deputetja Jackie Doyle-Price me një postim në “Twitter” e cilësoi ngjarjen e sotme si lajm të keq. Ajo tha se trafikimi i njerëzve është një biznes i ndyrë e i rrezikshëm që duhet të marrë fund.
“Trafikimi i njerëzve është një biznes i ndyrë dhe i rrezikshëm”-shkroi ajo.
g.kosovari
