Kohët e fundit, diva e muzikës pop Maddona anuloi disa shfaqje muzikore dhe koncerte për shkak të problemeve shëndetësore dhe askush nuk dinte më shumë për këtë gjë.
Në postimin e saj në Instagram, Madonna informoi 14.6 milionë ndjekësit se është duke u “rehabilituar” dhe po punon fort për t’u kthyer në formë për të rinisur turin botëror.
Në video, ylli i muzikës tregon ndërsa po i nënshtrohet një procesi të veçantë transfuzioni të gjakut të quajtur autohemoterapi. Gjatë gjithë kohës, pranë shtratit të këngëtares 61 vjeçare qëndrojnë vajzat e saj 7 vjeçare Stelle dhe Estere.
Autohemoterapia është një lloj terapie e gjakut që përfshinë tërheqjen e gjakut, pasurimin e tij me ozon (një molekulë inorganike me formulë kimike O3) dhe riinjektimin e tij në trup. I gjithë qëllimi i terapisë është të rrisë aftësinë e sistemit imunitar të luftojë sëmundjet.
