Aktorja Amber Heard pranoi se goditi ish-bashkëshortin e saj Johnny Depp në regjistrimet audio të publikuara së fundmi.
Në audion, e publikuar nga “Daily Mail”, çifti po diskutonte një incident që kaloi në dhunë fizike.
Ndërsa avokati i aktorit të famshëm pranoi se është një regjistrim i vërtetë i bërë në vitin 2015.
Në audio Amber, e cila ka akuzuar Depp për dhunë në familje, pranon se e ka goditur si edhe i ka gjuajtur me tenxhere, tiganë dhe vazo.
33-vjeçarja foli për dhunën e ushtruar ndaj ish-bashkëshortit në një seri bisedash të regjistruara të tyre në vitin 2015 ku ata flisnin për zgjidhjen e probleme të tyre të martesës.
“Më vjen keq që të godita në fytyrë me shuplakë, por unë të godita, nuk të grushtova,”- i thotë ajo aktorit, duke u përpjekur të minimizojë dhunën e ushtruar ndaj tij. “Nuk e di cila ishte lëvizja e vërtetë e dorës sime, por ti je mirë, unë nuk të lëndova, thjesht të rashë, nuk të grushtova.”
Ndërsa Depp dëgjohet duke thënë: “Unë u largova mbrëmë. Sinqerisht, të betohem sepse thjesht nuk e përballoja dot idenë e dhunës fizike, e më shumë abuzimeve fizike ndaj njëri-tjetrit. Sepse nëse do ta kishim vazhduar, do të kishte marrë për keq. Dhe zemër ta thashë një herë. Unë jam i frikësuar për vdekje, ne jemi një skenë krimi tani.”
Por aktorja, e cila bëri kërkesën për divorc në maj 2016 akuzoi Depp se ky e kishte dhunuar gjatë martesës së tyre toksike prej 18 muajsh, e paralajmëron: “Nuk mund të premtoj që nuk do të dhunoj më. Kur diçka shkon keq unë e humbas mendjen.”
Episodi shqetësues është një nga përplasjet e shumta që çifti debatoi gjatë seancës informale dy-orëshe të ‘terapisë’ të regjistruar në mënyrë konsensuale në celularin e Heard
Depp ngriti një padi prej 50 milionë dollarë për shpifje ndaj saj pasi Heard foli për Washington Post ku detajoi përvojat e saj si viktimë e dhunës në familje.
Heard është një ambasadore për të drejtat e grave dhe avokate kundër dhunës në familje.
g.kosovari
