Helvetët vijnë si surprizë mjaft e bukur e këtij kompeticoni, teksa në raundin e 1/8-ve eliminuan kampionen e Botës, Francën. Dëshira për të fituar dhe zelli i madh i lojtarëve ka bërë që Zvicra të merret seriozisht si kundërshtare, pasi ky Europian ka mësuar të mos merret asnjë skuadër e lehtë në letër.
Nga ana tjetër, Spanja vjen pas eliminimit të Kroacisë si një ndër pretendetet kryesorë të turnet, duke rikthyer besimin e futbollistëve iberik. Sfida pritet të jetë mjaft e bukur dhe e hapur duke marrë paraasysh dhe kontigjentin e dyja skuadrave.
Zvicra do të vijë në këtë sfidë me mungesën e madhe të kapitenit të saj Granit Xhaka i cili mungon për shkak kartonash, teksa shiritin e kapitenit do ta marrë shqiptari tjetër, Xherdan Shaqiri. N2 22 përballje direkt të dy kombëtareve, Spanja dominon frikshëm me 16 fitore kundrejt vetëm një të Zvicrës, teksa 5 ndeshje janë ndarë në barazim.
Sa i përket formacioneve Spanja do të rreshtohet më një formacion 4-3-3, ku sulmi i është besuar Sarabias, Ferran Torresit dhe Alvaro Moratas. Në krahun tjetër, vendin e Granit Xhakës do ta zërë mesfushori Zakaria, ndërsa në sulm Seferoviç dhe Shaqiri.
LIVE: ZVICËR-SPANJË 1-1
Shaqiri 68′ / Zakaria 8′ (autogol)
KOMENTI LIVE:
68′ GOOOOOL ZVICRA 1-1/ Xherdan Shaqiri vendos baraspeshën. Në festë zviceranët!
64′ Sërish Zvicra rrezikshëm me anë të Zuber, që regjistron goditjen e parë në kuadrat, tentativa e tij devijohet në këndore nga portieri Simon.
56′ Drithërima në portën e Spanjës, Zakaria i shkon shumë pranë golit të barazimit. Topi shkon ngjitur me shtyllën e portës së Unai Simon.
54′ Zëvendësim te Spanja, largohet Alvaro Morata, vendin e tij e merr Zherard Moreno.
52′ Shaqiri provon t’i surprizojë të gjithë me një harkim drejt e në portë nga këndi, por tentativa e tij shkon në rrjetën e jashme.
46′ Starton pjesa e dytë, Enrike kryen menjëherë zëvendësim. Largohet Sarabia, vendin e tij e merr Olmo.
Mbyllet pjesa e parë!
45′ Akordohet 1 minutë shtesë.
35′ Helvetët shfaqen më kërkues në këto minuta, por gjithsesi mungojnë rastet flagrante në portën e gardianit Simon. Mbrohen mirë spanjollët.
30′ Zvicra fiton ndjeshëm terren, duke rrezikuar nga e majta, me Xherdan Shaqirin, por pa arritur të gjejë golin e barazimit.
23′ Zëvendësim te Zvicra, largohet Embolo i dëmtuar, vendin e tij e merr Ruben Vargas.
20′ Provon të kundërpërgjigjet Zvicra, me një goditje nga këndi, por harkimi i Shaqirit, largohet nga mbrojtësit e Spanjës.
17′ Pranë golit të dytë Spanja, me anë të Koke, që provon me një gjuajtje të rrezikshme nga goditja e dënimit, por tentativa e tij shkon ngjitur me traversën.
15′ Minuta mjaft të mira të spanjollëve që ushtrojnë presion të vazhdueshëm në zonën e zviceranëve, që hasin vështirësi në ndërtimin e aksioneve sulmuese.
8′ GOOOOL SPANJA 0-1/ Devijimi fatal i Zakarias, iberikët gjejnë rrugën e rrjetës. Pas një predhe të Zhordi Albës me të majtën nga jashtë zonës, topi u devijua me kembë nga Zakaria dhe përfundoi në rrjetës.
5′ Minuta mjaft të luftuara në mesfushë, mungojnë rastet e rrezikshme.
2′ Shaqiri provon me një gjuajtje nga distanca, tentativa e tij devijohet dhe kontrollohet pa problem nga portieri Simon.
1′ Ka startuar sfida! Spanja luan topin e parë nga qendra.
FORMACIONET ZYRTARE
ZVICRA: Zomer, Vidmer, Elvedi, Akanji, Zakaria, Embolo, Frojler, Rodrigez, Zuber, Seferoviç, Shaqiri, Trajner: V.Petkoviç
SPANJA: Unai Simon, Aspilikueta, Pau Torres, Laporte, Alba, Buskets, Koke, Sarabia, Pedri, Ferran Torres, Morata, Trajner: L. Enrike./m.j
