VIDEO/ Zihet me gruan e tenton të hidhet nga oxhaku
Një 31-vjeçar nga qyteti i Pogradecit, ka tentuar të vetëvritet duke u hedhur nga maja e një oxhaku të një fabrike në zonën industriale.
Ngjarja ndodhi sot pasdite, në lagjen nr. 1 në Pogradec, ku S.T., 31 vjeç, banues në Pogradec, hipi mbi oxhakun e fabrikës dhe tha se kishte marrë vendimin që t’i jepte fund jetës në këtë mënyrë të dhimbshme, pra duke u hedhur nga lartësia disa dhjetëra metra.
Në vendngjarje mbërritën disa forca policore për të neutralizuar përpjekjen për vetëvrasje dhe për ta bindur 31-vjeçarin për të zbritur. Pasi kaluan disa minuta, falë ndërhyrjes së familjarëve të të riut dhe forcave të policisë, ai u bind për të zbritur nga maja e oxhakut, duke i dhënë fund përpjekjes për vetëvrasje.
Ende nuk dihen rrethanat që e shtynë 31-vjeçarin, të bënte këtë veprim. Ai është shoqëruar në komisariatin e Pogradecit, ku po merret në pyetje. Sipas banorëve të lagjes, 31-vjecari nga Homezhi i Mokrës, por banues në lagjen 1, kishte qenë i pirë dhe ishte grindur me bashkëshorten e tij.
Redaksia Java News/ f.g
. #LAJM I #FUNDIT!!!!NJË I RI NGA FSHATI "ZERVASKË" I POGRADECIT, KËRCËNON SE DO TË HIDHET NGA KY OXHAK PËR SHKAK TË DISA PROBLEMEVE FAMILJARE.POLICIA NDODHET NË VENDNGJARJE DHE PO MUNDOHET T'A QETËSOJË TË RIUN QË TË ZBRESË.NGJARJA PO NDODH TANI NË QYTETIN E POGRADECIT.NDIQENI.
Posted by Harta Digitale e Aksidenteve Rrugore dhe Lëvizja Pro Jetës. on Wednesday, September 2, 2015
