Janë identifikuar dhe shpallur në kërkim autorët e dyshuar të cilët kanë shtënë me armë ditën e djeshme në lagjen Parrucë të Shkodrës.
Mësohet se polumbarët kanë gjetur në lumin Buna, armën me të cilën autorët qëlluan në ajër.
Policia ka indetifikuar dhe shpallur në kërkim shtetasit: G. U., 26 vjeç, banues në Shkodër dhe H. M., 24 vjeç, banues në Shkodër.
‘’Këta shtetas, dje, më datë 12.02.2020, rreth orës 13:50, në vendin e quajtur “Parrucë”, lagjja “Qemal Stafa”, Shkodër, duke udhëtuar me mjetin tip “Benz”, janë konfliktuar për motive të dobëta me shtetasin T. A., 32 vjeç, banues në Shkodër, të cilin shtetasi H. M. e ka goditur me sende të forta në pjesën e kokës duke i shkaktuar dëmtime të lehta, ndërsa shtetasi G. U. ka qëlluar me armë zjarri në ajër dhe më pas janë larguar,” njofton policia.
Në vendin e ngjarjes u gjet dhe u sekuestrua në cilësinë e provës materiale një gëzhojë pistolete.
Materialet iu referuan Prokurorisë së Rrethit Gjyqësor Shkodër, për veprat penale “Armëmbajtja pa leje”, “Prishja e rendit dhe e qetësisë publike” dhe “Plagosja e lehtë me dashje”.
g.kosovari