Një ngjarje e rëndë ndodhi mbrëmjen e sotme në Shkodër, ku u vra me thikë një adoleshent 15-vjeçar.
Vision Plus ka publikuar pamjet nga vendi i ngjarjes, ku janë mbledhur forca të shumta policie.
Ngjarja dyshohet se ka ndodhur pas një konflikti të çastit, teksa autori ende nuk është kapur.
“Rreth orës 19:30, në zonën e Fermentimit, në lagjen “Skenderbeg”, dyshohet se gjatë një konflikti për motive të dobëta, një shtetas ende i paidentifikuar ka dëmtuar me mjet prerës (thikë), një të mitur 15-vjeç, i cili si pasojë e plagëve të marra ka ndërruar jetë në Spitalin Rajonal Shkodër.
Shërbimet e Policisë kanë shkuar menjëherë në vendngjarje ku po punojnë për identifikimin dhe kapjen e autorit.
Ndërkohë, vijon puna e grupit hetimor, për sqarimin e plotë të rrethanave të ngjarjes”, njofton policia.
