Kryeministri Edi Rama vijon publikimin e historive të personave të nxjerrë nga ndihma ekonomike.
Mëngjesin e sotëm ai ka publikuar një video në Facebook, ku jepet rrëfimi i Vjollca Baboçit nga Gjirokastra, e cila me ndihmën ekonomike merrte 52 mijë lekë të vjetra.
“Mirëmëngjes dhe me Vjollcën, që pas 10 vitesh me ndihmë ekonomike, ka filluar punë e çon pesëfishin e lekëve në shtëpi, ju uroj një ditë të mbarë”, shkruan Rama.
Gruaja tregon se me ndihmën ekonomike mbante familjen prej pesë personash, por së fundmi nuk u doli.
Ajo thotë se iu drejtua zyrës së punës, e cila i gjeti një vend në një fabrikë.
“Këtu e kam rrogën 240 mijë lekë dhe mbaj familjen me këto lekë”, shprehet gruaja./a.m.
