Debati mes kreut të Shtëpisë së Bardhë Donald Trump, dhe gazetarit Xhonatan Suen është bërë viral pikërisht për faktin se presidenti amerikan këmbëngul se vendi i tij ka të dhënat më të ulëta në krahasim me pjesën tjetër të botës për sa i përket pandemisë së koronavirus, shkruan abcnews.al.
Por gazetari e vë në dijeni se janë një mijë amerikanë në ditë që humbin jetën si pasojë e koronavirus, dhe se ai u ka dhënë një ndjesi të rreme sigurie amerikanëve duke pretenduar se e ka situatën nën kontroll.
Madje, gjatë intervistës gazetari i tha Trump-it se kishte vepruar me kokën e tij duke mos pyetur për profesionistët.
Trump këmbëngul se vendi ka një numër të ulët vdekjesh në krahasim me rastet, por kur Suan theksoi se numri i vdekjeve duhet të krahasohet me popullsinë, kreu i Shtëpisë së bardhë u shpreh se ai nuk mund ta bënte këtë ….
Donald Trump: Ka nga ata që thonë se ju mund të kryeni shumë teste. A e dini këtë?
Jonathan Swan: Kush e thotë këtë?
Donald Trump: Vetëm lexo manualet, lexo librat.
Jonathan Swan: Manualet?
Donald Trump: Lexo librat.
Jonathan Swan: Çfarë manualesh?
Donald Trump: Lexo librat.
Jonathan Swan: Çfarë librash? Ju kam mbuluar për një kohë të gjatë. Kam shkuar në takimet tuaja elektorale. Kam folur me njerëzit tuaj. Ata të duan. Ata të dëgjojnë. Degjojnë çdo fjalë që thoni.
Varen nga çdo fjalë e juaja. Ata nuk më dëgjojnë mua, apo median, apo dr. Faucin. Ata mendojnë se ne japim lajme të rreme. Ata duan të marrin këshilla nga ju. Në këtë mënyrë kur ata të dëgjojnë të thuash se çdo gjë është nën kontroll, apo të mos shqetësohen për të mbajtur maska…
Dua të them, këta njerëz shumë prej tyre janë të moshuar.
Donald Trump: Cili është përkufizimi juaj për kontrollin?
Jonathan Swan: Z. president..
Donald Trump: Po, sipas rrethanave
Jonathan Swan: Është si t’u japësh atyre një ndjesi të rreme sigurie
Donald Trump: Po, në këto rrethana.., pikërisht në këtë moment, unë mendoj se situata është nën kontroll, dhe do jua them se pse
Jonathan Swan: Si? Po vdesin një mijë amerikanë në ditë. Ju nuk pyetët për ekspertët, i morët vendimet vetë…
Donald Trump: Ata po vdesin, është e vërtetë. Dhe kjo qëndron është ashtu si është. Por kjo nuk do të thotë se ne nuk po bëjmë çdo gjë që mundemi. Kur unë mora gjërat në dorë, ne nuk kishim asnjë test. Aktualisht, për të qenë të drejtë.
Jonathan Swan: Pse duhej të kishit një test?
Donald Trump: Nuk kishte asnjë test për këtë.
Jonathan Swan: Virusi nuk ekzistonte
Donald Trump: Më fal, po e thoja këtë.
Jonathan Swan: Si do mund të kishte pasur një test?
Jonathan Swan: Numri i vdekjeve po rritet aktualisht. Janë një mijë humbje jete në ditë.
Donald Trump: Nëse shihni numrin e vdekjeve…
Jonathan Swan: Po, numri po rritet sërish, vdekjet ditore.
Donald Trump: Ja të shohim pak. Hidhi një sy disa prej këtyre grafiqeve.
Jonathan Swan: Do më pëlqente shumë ta bëja.
Donald Trump: Tani do t’i shohim.
Jonathan Swan: Le t’i shohim.
Donald Trump: Nëse ju shihni vdekjet për ….
Jonathan Swan: Po rriten sërish shifrat.
Donald Trump: Pikërisht këtu, tregohet se Shtetet e Bashkuara të Amerikës ka shifra të ulëta në shumë kategori. Ne kemi shifra më të ulëta se pjesa tjetër e botës.
Jonathan Swan: Më të ulëta se pjesa tjetër e botës?
Donald Trump: Kemi shifra më të ulëta se Europa
Jonathan Swan: Çfarë do të thotë kjo? Në çfarë kemi shifra më të ulëta? Në çfarë?
Donald Trump: Hidhi një sy. Pikërisht këtu. Këtu janë rastet e vdekjeve.
Jonathan Swan: Ah, ju po i trajtoni vdekjet në krahasim me rastet. Unë po flas për vdekjet në krahasim me popullsinë. Është kjo pika në të cilën Shtetet e Bashkuara të Amerikës janë shumë keq. Shumë më keq se Korea e Jugut, Gjermania etj.
Donald Trump: Ti nuk mund ta bësh këtë!
Jonathan Swan: Pse nuk mund ta bëj këtë?
Donald Trump: Ti duhet të shkosh sipas këtyre, ja shihe ku janë Shtetet e Bashkuara të Amerikës. Ti duhet të ecësh sipas rasteve. Rastet e vdekjeve.
Jonathan Swan: Pse jo në krahasim me popullsinë?
Donald Trump: Kur ne kemi dikë, ajo që thuhet kur ju keni dikë që ka koronavirus, atëherë ky është një rast. Njerëzit që jetojnë nga këto raste.
Jonathan Swan: Është sigurisht një statistikë e rëndësishme të thuhet se nëse Shtetet e Bashkuara të Amerikës kanë një X popullsi dhe një X përqindje vdekjesh nga ajo popullsi në krahasim me Korenë e Jugut.
Donald Trump: Jo, sepse ti duhet të ecësh sipas numrit të rasteve.
Jonathan Swan: Le të shohim Korenë e Jugut për shembull. 51 milion banorë dhe 300 vdekje. Është një cmenduri krahasuar me …
Donald Trump: Ti nuk e di këtë.
Jonathan Swan: Ju mendoni se Korea e Jugut po falsifikon statistikat e saj?
Donald Trump: Nuk dua të futem në këtë temë pasi kam një marrëdhënie shumë të mirë me atë vend. Por ti nuk e di atë.
Jonathan Swan: Një mijë amerikanë po vdesin çdo ditë, por unë e kuptoj se me rastet është ndryshe.
Donald Trump: Jo, por ti nuk e po e raporton në mënyrë korrekte Jonathan.
Jonathan Swan: Unë mendoj se po!
/e.rr
