Janë publikuar pamjet nga mega-operacioni i mëngjesit të sotëm në Krujë dhe Fushë-Krujë. Rreth 10 parcela të mbuluara me sera u zaptuan nga policia, ndërsa disa tufa me kanabis janë djegur.
Operacioni vijon, pasi po kontrollohen sera, parcela si dhe shtëpi e vila, në një prej tyre ndodhet edhe vetë Drejtori i Përgjithshëm i Policisë së Shtetit Ardi Veliu i veshur civil, ndërsa nga ana tjetër forcat e tjera të policisë janë të armatosura rëndë. Operacioni është nën drejtimin e drejtorit të Përgjithshëm i Policisë së Shtetit, Ardi Veliu, bashkë me Gjovalin Lokën dhe Tonin Vocaj.
Në një video siguruar nga Balkanweb, shihet teksa policia i ka vendosur flakën kanabisit.
Deri më tani janë zbuluar 10 parcela me të mbjella me kanabis në Krujë dhe Fushë-Krujë, të cilat ishin kamufluar si sera gjigante. Bëhet fjalë për qindra bimë kanabis të mbjellë që ishin mbuluar si “perime” për ti shpëtuar gjurmimit policor.
Por edhe pse i kanë shpëtuar policisë lokale, kanabisi në Krujë është pikasur nga Guardia di Finanzia. Partnerët italianë kanë dërguar informacionin tek pala shqiptare mbi zonat ku është mbjellë kanabis duke ngjallur reagimin e policisë shqiptare.
g.kosovari
