Armando Broja gjen golin e tretë në Premier League.
Sulmuesi i Kombëtares kuqezi ka kaluar në avantazh Southampton në sfidën e javës së 15 në Angli me Brighton.
Sulmuesi ka shmangur bukur një nga mbrojtësit, duke dërguar topin në rrjetë me të jashtmen në minutën e 29 të ndeshjes.
Fenomenal 20 vjeçari me veprimin që e nxori përballë portierit, teksa në fund festoi me shqiponjë.
Edhe njëherë shqiptari tregon se kur e nis ndeshjen nga minuta e parë, di të dërgojë topin në rrjetë. Veprim klasi nga Broja, që ul në gjunjë mbrojtësin kundërshtar, për të zhbllokuar ndeshjen.
