“Urrej të jem e shëmtuar”, – thotë Lateysha Grace, 23 vjeçe, konkurrentja seksi e “Big Brother”-it anglez, në një video tronditëse të publikuar në rrjetet sociale, ku shfaqet teksa udhëton drejt Turqisë për heqjen e një mase të tepërt trupore dhe të zvogëlimit të gjoksit.
Grace, e cila gjithsesi nuk është aspak e shëmtuar, tregon detajet e përgatitjes së ndërhyrjes delikate, duke shfaqur dhe format e saj trupore.
23-vjeçarja është nënë e një fëmije pak më shumë se një vjeç dhe i ishte nënshtruar kirurgjisë plastike dy herë, duke instaluar proteza në gjoks dhe zhvendosur dhjamin e krahëve ne pjesën e të pasmeve. Në këtë ndërhyrje të tretë korrigjuese modelja e famshme, do të bëjë disa “riparime” edhe në qafë dhe në pjesën e të pasmeve.
Në video ajo shfaqet nudo, ndërsa kirurgu shënon me një laps në trupin e saj pikat kritike ku duhet të ndërhyhet dhe pastaj, ajo fashohet si një mumje pas ndërhyrjes, ku rrezikoi edhe jetën, duke parë që një nga protezat është gjetur e prishur në brendësi të gjoksit të saj.
Por gjithçka përfundon mirë dhe Grace kthehet në shtëpi pak e lodhur, por e lumtur dhe i kujton ndjekësve të saj në rrjetet sociale: “Nuk e filmova videon për t’iu bindur dhe nënshtruar kirurgjisë plastike, e bëra vetëm sepse doja të ndaja këtë përvojë me ju. Sigurisht që nuk jeni të lumtur me trupin tuaj, atëherë kirurgjia është zgjedhja e duhur”./Shqip/
