Shifra e të infektuarve me Covid-19 është rritur në gjithë botën. Italia është një nga vendet me numër të lartë infektimesh dhe vdekjesh që prej fillimit të pandemisë.
Ndërkohë, në ngjarje tronditëse është filmuar në një spital në Napoli, ku një i moshuar, i cili ishte infektuar me Covid-19 është gjetur pa jetë në tualetin e spitalit.
Video e të moshuarit është bërë virale në internet. Viktima ishte duke u trajtuar në Spitalin Kardarelja, pas infektimit me Covid-19 , por shkaku i vdekjes së tij nuk dihet ende megjithëse dyshohet se ai pati një sulm në zemër. Sipas një burimi nga spitali, video mund të jetë bërë nga një person që ka hyrë në tualet, ndërkohë që stafi nuk ishte aty.
Në lidhje me këtë ngjarje të rëndë ka reaguar edhe drejtori i përgjithshëm i spitalit, Giuseppe Longo, i cili theksoi se është për të ardhur keq që ngjarje të tilla bëhen mediatike. Longo tha se është hapur një hetim për të zbuluar se kush e bëri videon, dhe më pas e shpërndau atë në rrjetet sociale.
g.kosovari
