Një ngjarje horror ka ndodhur sot kryeqytetin e Rusisë, Moskë. Një nënë 34-vjeçare, e identifikuar si Olga Zharkova, është hedhur nga kati i 19-të i pallatit ku banonte, bashkë me dy djemtë e saj. Vogëlushët 3 vjeç dhe një muajsh kanë ndërruar jetë bashkë me nënën e tyre.
Mediat ndërkombëtare shkruajnë se Policia ka hapur një hetim vrasjeje për vdekjen e 34 vjeçares dhe vdekjen e dy fëmijëve të saj të vegjël. Dyshohet se Olga Zharkova ka vuajtur nga depresioni akut pas lindjes para se të vriste veten dhe fëmijët e saj, në rënien nga lartësia rreth 190 metra, thonë hetuesit.
Thuhet se Olga kishte shkruar një shënim ku thoshte se nuk donte t’i linte fëmijët e saj në këtë ‘botë të vështirë, të zymtë’. “Ajo u ankua tek të njohurit e saj se kishte depresion pas lindjes,” tha një burim i zbatimit të ligjit për Komsomolskaya Pravda. “Ajo u ndje e vetmuar dhe e lodhur.”
Nëna e dy fëmijëve, e cila është gruaja e një oficeri ushtarak rus, i mbajti fëmijët në krahë kur ajo ra. Burri i saj ushtarak u kurua “për tronditje” kur mbërriti në vendin e ngjarjes. Një ‘analizë psikiatrike postmorte’ do të bëhet mbi nënën, thuhet në raporte.
Më herët Olga Zharkova ishte ankuar se burri i saj Dmitry, 35 vjeç, ishte larg shtëpisë për periudha të gjata gjatë detyrave të tij ushtarake, thonë raportet që citojnë zbatimin e ligjit./m.j
