Kryetari i Bashkisë së Tiranës, Erion Veliaj, ka zgjedhur një mënyrë të veçantë për të dhënë mesazhin e tij për ndërtimin e këndit të lojërave për fëmijëv në ambientet e parkut të Liqenit Artificial.
Në Ditën Ndërkombëtare të Fëmijëve, kryebashkiaku është shfaqur në ambientet e këndit të lojërave i veshur sportiv dhe me një bluze të zezë, ku ishte stampuar imazhet e personazheve të animuar për fëmijë “Toy Store”.
““Toy story” është një film me të cilin mosha jonë jemi rritur dhe meqë gjithë kjo histori përfundoi si një histori lodrash, besoj që ishte bluza më adapt”, iu përgjigj Veliaj gazetarëve për domethënien e bluzes së tij.
Pas disa muaj debatesh dhe përplasjesh për ndërtimin e këndit të lojërave të liqenit dhe ndërsa sot ky ambient është i hapur për fëmijë, Veliaj me bluzen e tij kërkon të dërgojë mesazhin se e gjitha kjo është situatë ishte “histori lodrash”, siç është edhe përkthimi i bluzes. /a.m.
