Shpesh herë jemi njohur me projekte të çmendura inxhinierike. Të paktën të tilla duken me një shikim të parë. I tillë është edhe rasti i kësaj ure xhami në një mal në provincën Hebei në Kinë.
Ajo është e gjatë 266 metër dhe ndodhet në 1800 metër lartësi dhe është e ndërtuar me xham. Kjo urë mbledh mijëra vizitorë. Ata që kanë frikë lartësitë, më mirë mos të shkojnë, edhe pse urës i janë bërë të gjitha testet e sigurisë.
Inxhinierët kanë projektuar edhe një efekt të veçantë argëtues që duket sikur thërrmohet xhami kur kalon mbi të. Kjo bën që shumë persona të tremben nga kjo situatë, deri kur kuptojnë se është thjesht një efekt argëtues.
Mirëmbajtësit e urës kryejnë kontrolle çdo ditë për sigurinë e saj./a.m.
