Një burrë është rrahur barbarisht nga disa njerëz, ndërsa djali i tij qan me dëshpërim dhe më pas merret dhe çohet nga disa kalimtarë derisa mbërrijnë policia dhe përpiqen të ndalojnë dhunën. Kjo është ajo që mund të shihet në një video që është bërë virale dhe e cila përjetësoi atë që ndodhi një ditë më parë jashtë stadiumit të Barit gjatë ndeshjes kundër Pizës të fituar nga skuadra vendase 1-0.
Rrahja me sa duket ndodhi gjatë protestës së organizuar nga ultrasit e Barit në minutën e 25-të të pjesës së parë, pasi kishin braktisur Curva Nord dhe ishin mbledhur jashtë stadiumit San Nicola.
Burri, një tifoz i Barit, dyshohet se është rrahur nga mbështetës të tjerë të kuqezinjve, sepse donte të kthehej në stadium për të marrë çantën e shpinës së të birit.
Po si ka mundësi që nuk ndërhynte njeri për të ndarë këtë sherr idiot..?! Duke parë pamjet mu rrënqeth mishi. Si mundet të dhunosh babain në sy të fëmijës?! Edhe në luftë ka një kod që respektohet.. Si ka mundësi që edhe kur erdhi policia as nuk i preku dhunuesit..?! Pastaj vijnë na japin leksione edukate qytetare këta legena pa moral.