Tirana arrin fitoren e 7 radhazi në Kategorinë Superiore pasi ka mundur me rezultatin minimal 0-1 Vllazninë.
Në impiantin “Loro Boriçi’ klasikja e futbollit shqiptar prodhoi emocione dhe dëshirë për të marrë maksimumin. Në pjesën e parë bardheblutë e udhëhequr nga trajneri Emanul Egbo dominuan duke kërcënuar 2 herë rrezikshëm kuadratin e mbrojtur nga Alan Sherri me autorë Calen dhe Egbon.
Pjesa e dytë ishte më e ekuilibruar dhe shkodranët mund të kishin dal me pikë nëse sulmuesi brazilian Junior do të ishte treguar i saktë një për një me portierin Ilion Lika. Atëherë kur të gjithë menduan se kjo sfidë do të mbyllej në barazim mendoi Kobinnah i cili në minutën e 86-të e dërgoi topin në rrjetë duke vendosur qetësinë në shkallët e stadiumit.
Afrikani avancoi drejt zonës kundërshtare dhe pasi dribloi Dajan Shehin me lehtësi, gjuajti bukur nga distanca dhe theu edhe portierin Sherri, duke kaluar bardheblutë në avantazh. Me këtë sukses Tirana ngjitet përkohësisht në vendin e parë në kuotën e 40 pikëve 2 më shumë se Kukësi me një ndeshje më pak. Ndërsa Vllaznia mbetet në vendin e 7 me 28 pikë në 21 javë kampionat.
g.kosovari
