Tërmeti që goditi sot Italinë është regjistruar live edhe nga kamerat e Fano TV.
Gazetari në studio po lexonte titujt e parë të shtypit kur studiot e transmetuesit lokal filluan të dridhen.
Ai u ngrit për t’u larguar dhe më pas u kthye në vendin e tij për të treguar për tërmetin.
Megjithatë, pak çaste më vonë u ndje një tronditje e dytë dhe në atë moment spikeri u largua nga studio: “Po iki”, tha ai teksa u zhduk nga ekrani.
Sipas vlerësimit, magnituda e tërmetit ishte 5.5 ballë (vlerësimi i parë ishte 5.7) dhe epiqendra në bregun Pesaro Marche në një thellësi prej 8 kilometrash.
