Më shumë se 70 persona vlerësohet se kanë vdekur deri tani, si pasojë e tërmetit me magnitudë 7.4 që goditi Kolumbinë.
Vdekjet ndodhën në departamentet e Valle del Cauca, Choco, Antioquia, Caldas dhe Risaralda, sipas përditësimeve të fundit nga vendi, krahasuar me raportet e mëparshme për 50 të vdekur.
27 persona raportohet se kanë vdekur në rajonin Valle del Cauca, ku ndodhet Cali, qyteti i tretë më i madh i Kolumbisë. Numri i të plagosurve është i pallogaritshëm pasi ka shumë njerëz nën rrënoja. Edhe numri I viktimave pritet të rritet.
Më herët, kryebashkiaku i Pereiras, Mauricio Salazar , konfirmoi një numër paraprak prej 18 të vdekurish dhe dhjetëra të plagosurish, ndërsa kryebashkiaku i qytetit fqinj të Manizales, Jorge Eduardo Rojas, raportoi se dy persona ishin vrarë atje.
Cali #Temblor edificio de 4 pisos y notaría. pic.twitter.com/GnXvYwZ8t4
— Jessik (@TiestoLifee) August 10, 2026
Tre fëmijë midis viktimave
Guvernatori i Valle de Cauca, Dilian Francisca Toro, i tha El Tiempo se tre fëmijë ishin midis të vdekurve.
“Pati një shembje në disa zona këtu dhe sigurisht, disa njerëz janë të bllokuar. Megjithatë, ne jemi tashmë këtu me Ushtrinë, po punojmë për t’i liruar ata dhe po kryejmë evakuimet e nevojshme”, tha guvernatori.
“Pati dëme në disa komuna. Në Calima-El Darién, për fat të keq humbëm tre fëmijë kur një mur u shemb mbi ta. Në Zarzal, vdiq edhe një person. Në Buenaventura, ka shumë dëme, por nuk janë raportuar të lënduar. Në Riofrio dhe Calima-El Darién, ka gjithashtu dëme të konsiderueshme. Situata është serioze dhe ne po punojmë për të”, tha guvernatori.
Tërmeti pati një thellësi fokale prej 115 km dhe u ndje veçanërisht dhe shkaktoi dëme në ndërtesa, me njerëzit që ikën nga frika.
BREAKING: A 7.4 magnitude earthquake has struck the San José del Palma region of Colombia, with the mayor of Choco stating that, “there are injuries and severe damage to buildings, and we are concerned about aftershocks” pic.twitter.com/ZkZaOtunM9
— StrandenOSINT (@StrandenOSINT) August 10, 2026
Numër i papërcaktuar i të lënduarve
Tërmeti i fuqishëm shkaktoi shembjen e ndërtesave, duke bllokuar shumë njerëz në rrënoja. Zyrtarët dhe CBS News raportuan se numri i të lënduarve ishte i papërcaktuar.
Agjencia gjeologjike e Kolumbisë tha se epiqendra ishte në provincën Choco, në bregdetin e Paqësorit. Shërbimi Gjeologjik i SHBA-së tha se nuk ishte lëshuar paralajmërim për cunami.
Tërmeti që goditi Kolumbinë ndodhi sot në orën 7:34 të mëngjesit sipas orës lokale dhe u ndje në kryeqytetin Bogota dhe Cali, si dhe në Venezuelë, Ekuador dhe Panama.
Pas tërmetit të fuqishëm me magnitudë 7.4, autoritetet në qytetin e Calit vendosën të evakuojnë spitalet dhe nisi një operacion për të larguar pacientët nga ndërtesat nga frika e shembjes së tyre.
Se reportan cientos de edificios caídos tras el sismo en #Colombia , la tragedia podría ser mucho mayor a la vivida hace unas semanas en Venezuela. pic.twitter.com/givqtljju4
— Gurú Político (@guruchuirer) August 10, 2026
