Policia e Shtetit ka vijuar aksionet për ndëshkimin e shkelësve të rregullave të qarkullimit rrugor që rrezikojnë shkaktimin e aksidenteve.
Ky aksion ka vijuar me monitorime nga ajri përmes dronëve.
“Mirëmëngjes nga Policia e Shtetit! “Syri” vëzhgues nga ajri i Policisë së Shtetit u zhvendos në aksin Lezhë – Shkodër. Nesër do të jemi në një tjetër rrugë kombëtare, jo për të ndëshkuar, por për të garantuar se shkeljet evidentohen dhe çdokush do të përballet me sanksionet. Kjo për të rritur sigurinë në akset rrugore dhe parandaluar aksidentet. Telefono për çdo shkelje në 112, 24/7”, thuhet në faqen zyrtare të policisë./a.m.
