Një studente ka qëlluar me bojë, pasditen e sotme, ministren e Arsimit, Lindita Nikolla.
Ngjarja ka ndodhur gjatë samitit të studentëve, organizuar përballë Piramidës, ku merrte pjesë dhe kryeministri Edi Rama.
Në video duket qartë momenti kur qëllohet ministrja, menjëherë sapo ajo ështe ulur.
Një aktiviste i është afruar dhe e ka ngjyer me bojë të kuqe.
Studentja është identifikuar si pjesë e Lëvizjes për Universitetin, grupim i cili kundërshton reformën në arsimin e lartë. Ajo është studentja Mirela Ruko, me origjinë nga Fieri, e cila njihet si aktiviste e lëvizjes në fjalë dhe pjesëmarrëse në disa tubime kundër reformës.
Një vit më parë, ajo ishte pjesë e grupimit të studentëve që goditën me vezë kryeministrin Edi Rama te Fakulteti i Shkencave Sociale.
shqiptarja.com/d.i.
