Java e dytë e Superiores nisi me ndeshjen Dinamo-Laçi. Në “Elbasan Arena” dy skuadrat ndanë nga një pikë falë barazimit 1-1. Një pjesë e parë që përfundoi 0-0 pavarësisht se blutë shënuan me Sofranac, festa u ndal nga arbitri anësor për një pozicion jashtë loje, vendim që u konfirmua më vonë edhe nga VAR-i, ndonëse pamjet tregonin për një rast vërtetë të dyshimtë.
Pjesa e dytë nisi me një ritëm mjaft të mirë dhe pas vetëm 8 minutash lojë, erdhi goli që zhbllokoi takimin. Një krosim i Isaevskit u devijua gabimisht nga mesfushori i kurbinasve, Julian Shehu, që dërgoi topin në cepin e portë së mbrojtur nga Sherri dhe u dha avantazhin kryeqytetasve.
g.kosovari
