Qeveria siriane raportoi se territori i saj është goditur me raketa gjatë mbrëmjes së të dielës.
Ushtria bëri të ditur se raketat kishin goditur disa baza ushtarake pranë Aleppos. Televizioni shtetëror tha se sulmet me raketa ndodhën në orën 22.30.
Ndërkohë, shpërthimet kanë qenë tejet të fuqishme, aq sa janë regjistruar si lëkundje tërmeti nga Qendra Sizmologjike Europiano-Mesdhetare me magnitudë 2.6 ballë pranë zonës së shpërthimit.
Një burim nga opozita tha se baza e goditur me raketa është e njohur si qendër rekrutimi për militantët shiitë të mbështetur nga Irani, të cilët luftojnë së bashku me forcat e Presidentit Assad.
Ende nuk ka raportim për viktima, gjithashtu nuk dihet edhe se nga kush janë lëshuar raketat, megjithëse dushimet e para bien mbi Izraelin./a.m.
Unidentified strikes near #Hama and #Aleppo in #Syria. Possible #Israeli action. pic.twitter.com/hTx583G8OL
— Strategic Sentinel (@StratSentinel) April 29, 2018
