Më shumë se 80 refugjatë u gjetën të bllokuar brenda një kontejneri të një kamioni në Xanthi të Greqisë.
Sipas raporteve, mbi 80 emigrantë ishin grumbulluar në pjesën e pasme të kamionit, shumë prej të cilëve kishin probleme me frymëmarrjen dhe për këtë arsye u thirrën ambulanca nga Xanthi dhe Kavala për t’u dërguar në spital.
Kushtet ishin të forta dhe siç raporton “ta nea”, është e dyshimtë nëse ata do të mund të mbijetonin për një udhëtim të gjatë për në Selanik.
Të gjithë ata ishin burra rreth 20 dhe 30 vjeç, dhe policia po bën një punë tëshpejtë për të larguar njerëzit nga skena dhe për të dërguar në spital.
Pas zbulimit të migrantëve brenda kamionit, policia arrestoi shoferin dhe migrantët u dërguan për identifikim në një stacion të policie.
Shumica e migrantëve që arrijnë në Greqi, largohen nga luftërat në Siri, Irak dhe gjetkë.
Autoritetet greke po përpiqen të përballojnë një rritje të mprehtë të numrit të migrantëve në ishujt e saj lindorë.
Kampet e financuara nga BE-ja në Greqi, janë të mbipopulluara dhe në shumë raste janë shënuar incidente të dhunshme dhe viktima.
g.kosovari
