Menjëherë në nisje të debatit në komisionin hetimor të CEZ ku pritej të ishte dëshmitar Nue Kalaj dhe Shkëlzen Berisha, ka nisur një debat mes kryetarit të Komisiontit Taulant Balla dhe zvkryetarit Arben Ristani. Në debat e sipër Ristani është çuar nga karriga dhe i ka fikur mikrofonin Taulant Ballës me argumentin se nuk po e linte të fliste. Ngjarja ka përshkallëzuar aqsa Ristani është bërë gati t’i marrë mikrononin Ballës që ky i fundit të mos e ndërpriste.
Ristani: Kryetari i këtij komisioni nuk zbaton as vendimin e gjykatës duke mos paguar gjobën në favor të zotit Berisha. Pra konflikti i interesit është i hapur dhe i pastër.
Balla: Është e rëndë përpjekja juaj për të marrë në mbrojtje mikun Nue Kalaj.
Ristani: Ju keni marrë një masë 8 vite më vonë. Ligjet nuk janë të shkruara për njërën forcë politike apo për tjetrën. Unë nuk marr në mbrojtje një person që as nuk e njoh.
Balla: Atëherë pse bën avokatin e tij?!
Ristani: Mlër të flas, do e sqaroj.
Balla: Po po shko sqaroja protestuesve atje tek protesta në 18 shkurt. Atyre sqaroja.
Ristani i fik mikrononin Ballës…
Balla: Çfarë bën? Jam kryetari i komisionit
Ristani: Nuk më lë të flas. Pusho
Ristani tenton ti marrë mikrononin Ballës
Balla: I kërkoj komisionit përjashtimin e Ristani, kush është dakort? Largohet nga mbledhja për dhunë të ushtruar. Nënkryetari është i pirë tapë duhet të largohet nga mbledhja.
Ristani përjashtohet nga komisioni
Gjithçka nisi me mosprezencën e Shkëlzen Berishës në komision. Ky i fundit kishte dërguar një shkresë ku justifikonte mungesën e tij, letër të me të cilën ka ironizuar Balla.
“Shkëlzen Berisha ka dërguar një shkresë që kryetari i komisioni është i dënuar. Sipas këtij dëshmitari ne jemi të dënuar, anëtarët e komisionit apo unë. Nuk mund të vijë në komision për një event pune apo për të festuar Shën Valentinin s’ka rëndësi, për sa kohë nuk ka rregullat minimale për të shkruar një letër, kanë bërë edhe konsulenca miliona euro.
Kjo është hera e tretë që ky dëshmitar thirret në komision. Dy herë nuk ka dëshmuar, herën e tretë ka deklaruar se ndodhet jashtë shtetit për një event pune pa dhënë justifikime të rregullta. Duhej bileta e udhëtimit, ose një raport. Nuk mund të justifikohet.“- tha kreu i komisionit për privatizimin e OSSH-së nga çekët e CEZ.
Në kundërpërgjigje ka folur zv/kryetari i komisionit Arben Ristani, i cili ka mbrojtur si të rregullt dhe të ligjshëm kërkesën dhe shkresën e Shkëlzen Berishës dhe prej aty ka nisur debati.
/java/a.k
