Është tensionuar situata në zonën e Rradhimës , teksa Inspektoriati Kombëtar i Mbrojtjes së Territorit ka vazhduar aksionin e prishjes së godinave.
Ata protestojnë kundër shembjes së objekteve të cilat preken nga realizimi i projektit “Lungomare2”.
Mes thirrjesh, banorët kanë kundërshtuar ndërhyrjen e fadromave për të shembur objektet e tyre, ndërsa kundër kanë munguar as konfliktet fizike me punonjës policie.
“Si kemi me lekë droge dhe hashash. I kemi me gjak e djersë”, i drejtohet një prej banorëve forcave të policisë, të cilat janë në një numër të shtuar. Ndërkohë, një tjetër i kërcënon duke thënë se; “Për ça vini këtu?! Na degjeneruat, do t’ju vrasim”.
Ka pasur per disa minuta tensione dhe fadromat janë tërhequr. Banorët hedhin akuza për prishje selektive.
Kujtojmë se përgjatë bregdetit të Vlorës prej disa kohësh vijon aksioni për shembjen e ndërtimeve pa leje, duke hasur kështu edhe në kundërshtinë e banorëve.
g.kosovari
