Imazhet e para që vijnë nga pallati presidencial francez, Elysee, ku po mbahet takimi kryesor i Samitit të Vendeve të Pallkanit Perëndimor shfaqin Kryeministrin e vendit Edi Rama të ulur në tryezën e bisedimeve në krahë të dy liderëve kryesorë të këtij takimi. Rama në fakt është i ulur mes Kancelares gjermane, Angela Merkel dhe Presidentit francez, Francois Hollande.
Ky trajtim “special” vjen në një nga momentet më delikate të ekzekutivit Rama në pikpamjen e politikës së jashtme. Ndërkohë që sipas opozitës parlamentare ngërçi i krijuar për reformën ka ulur imazhin e vendit tonë përballë Europës dhe vendeve të rajonit, pozicioni i dhënë Ramës në këtë takim mes të gjitha vendeve të Ballkanit duket sikur rikonfirmon mbështetjen e BE ndaj qëndrimit të qeverisë mbi Reformën në Drejtësi.
