Këngëtari i njohur shqiptar Sajmir Çili është një ndër karakteret më të pëlqyer në botën e muzikës.
Së fundmi Çili ka shpërthyer ndaj këngëtarëve të rinj dhe degjenerimit të muzikës shqiptare.
Në një postim në Facebook, këngëtari ka publikuar videoklipin e Albulena Ukajt me titull “Ajshe”, ndërsa revoltohet teksa pyet se kush ia jep të drejtën këtyre që të shfrytëzojnë dhe të përdhunojnë një këngë.
“Të më falni, po degjenerimi vazhdon e vazhdon në përdhunimin e këngës së kënduar shqip, nga erdhëm e ku po shkojmë.
A është nga Azerbaxhani, Turqia, Maqedonia, Bullgaria etj etj etj (vetëm teksti është shqip) përpos pornografisë së shtuar prej shumë vitesh në video-clipet. Oooooo Tv çfarë po i bëni Kulturës Shqiptare.
Se kam vetëm me këtë këngë por me shumë e shumë e shumë të tjera. Oooooo producent çfarë kulture po i servirni brezit të ri….
O shqipëri këta janë kriminelët e kulturës tënde të vyer.
Dita e Zisë për Muzikën Shqiptare ka kohë që ka zbritur në Shqiprinë tonë të dashur. Vetëm burgu për këto lloj monstrash mund të jetë zgjidhje. Kush i jep të drejtën këtyre mortjeve të shrytëzojnë një këngë si “Ku ke ti moj Ajshe”, dhe ta përdhunojnë“, shkruan Sajmir Çili.
