Kryeministri i Sllovakisë, Robert Fico u qëllua ditën e sotme me armë zjarri në përfundim të një mbledhje që zhvilloi ditën e sotme me anëtarë të qeverisë së tij.
Me të mbaruar takimin Fico ka qenë duke përshëndetur disa qytetarë jashtë godinës nga ku doli para se të qëllohej.
Sipas Pravda, agresori e ka thërritur kreun e qeverisë në emër para se ta qëllonte, duke bërtitur “Robert, hajde këtu”.
🇸🇰 | Imágenes que muestran el momento del ataque al primer ministro eslovaco, Robert Fico. pic.twitter.com/n3XCK6M3xU
— Alerta News 24 (@AlertaNews24) May 15, 2024
Pas të shtënave Fico është shoqëruar menjëherë nga truprojat e tij brenda automjetit zyrtar, ndërsa agresori është neutralizuar.
Sipas raportimeve paraprake ndaj Ficos është qëlluar 4 ose 5 herë, me media që raportojnë se ai ka marrë plagë në gjoks dhe në pjesë të tjera të trupit.
Zyra e tij u shpreh pas atentatit se kryeministri është transportuar drejt spitalit dhe orët e ardhshme do të jenë kritike për gjendjen e tij.
