Rreth 15 ditë pasi ishte zhdukur dhe nuk ishte parë në publik, është shfaqur për herë të parë ministri rus i Mbrojtjes Sergei Shoigu, raportojnë mediat ndërkombëtare.
Ministria e Mbrojtjes ka publikuar sot një video ku shihet Shoigu teksa drejton një takim për fondin e armatimit të ushtrisë ruse.
Planet nuk kanë datë të stampuar, por në një postim të Twitter, ministria thekson se takimi ka ndodhur në 25 mars ku i pranishëm ka qenë edhe ministri i Financave.
🇷🇺 Министр обороны Российской Федерации генерал армии Сергей Шойгу провел рабочее совещание по вопросам реализации программы государственного оборонного заказа и выполнения социальных обязательств перед военнослужащими Вооруженных Сил РФ ➡ https://t.co/eTIpv7sUXT pic.twitter.com/8K5xK7PEwZ
— Минобороны России (@mod_russia) March 26, 2022
Në video, Shoigu siguron se porositë për furnizimin e pajisjeve do të bëhen sipas programit, “megjithë vështirësitë që po hasen sot” për shkak të sanksioneve ndërkombëtare të vendosura në përgjigje të pushtimit rus të Ukrainës.
Por si qëndron e vërteta e zhdukjes së tij? Sipas Daily Mail, një këshilltar i qeverisë ukrainase ka deklaruar që ministri rus Shoigu kishte pësuar një goditje në zemër pasi Vladimir Putin e kishte fajësuar për dështimin e arritjes së qëllimit të pushtimit rus në Ukrainë.
Anton Gerashchenko, i cili punon në ministrinë e Brendshme të Ukrainës, shkroi në Facebook se Shoigu – i cili nuk është parë në publik që nga 11 marsi, pësoi një goditje në zemëe pas një konfrontimi që pati me Vladimir Putinin.
Kremlini është akuzuar gjithashtu për montimin e një videoje ku shfaqet Shoigu në një video-telefonatë me Putinin më 24 mars.
Shoigu, i cili mban peshën kryesore të përgjegjësisë për pushtimin e Ukrainës, u zhduk dhe nuk është parë në publik që nga 11 marsi, duke nxitur spekulimet për vendndodhjen e tij.
g.kosovari
