Publikohet video e aksidentit në qendër të qytetit të Elbasanit, ku makina që hipi mbi trotuar përplasi për vdekje një qytetar që ecte me biçikletë.
Ngjarja ka ndodhur në sheshin ‘Kozma Naska’ në bulevardin e qytetit. Një mjet tip Range Rover me targa AA444PD ka përplasur drejtuesin e një biçiklete, duke e vënë poshtë rrotave. Mjeti ka marrë përpara dhe dy automjete që gjendeshin në parkim, një Golf me targa AA 707PC dhe mjetin me targa AA 186 NE.
Si pasojë e aksidentit mbeti i vdekur drejtuesi i biçikletës, Ardian Rika, 35 vjeç.
Blutë kanë bërë shoqërimin në polici të drejtuesit të mjetit me iniciale A.S 44 vjeç, ndërsa vijojnë hetimet për ngjarjen.
“Në bulevardin “Aqif Pasha” shtetasi A.Subashi, 44 vjec banues ne Elbasan duke drejtuar mjetin me targa AA 404 PD ka përplasur biçiklistin A.R, 35 vjec banues në Elbasan i cili ka ndërruar jetë. Drejtuesi i mjetit është shoqëruar në Komisariat për veprime të mëtejshme”.
