Kryeministri i Shqipërisë, Edi Rama ka debatuar ashper mbi ate se çfarë ka deklaruar për Kosovën në Beograd dhe nga cili pozicion ka folur. Rama, i ballafaquar nga analistët në “Zona e Debatit” në Klan Kosova, ka sqaruar se ai ka folur për Kosovën dhe jo në emër të Kosovës.
“Kur unë shkova në Beograd për herë të parë, shkova si tradhtar, sepse nga të katër anët, edhe në Tiranë edhe në Prishtinë, askush nuk ishte dakord që unë të shkoja pas asaj që ndodhi me ndeshjen e futbollit, pastaj papritmas u ktheva si hero”.
“Por, unë s’jam as tradhtar as hero, unë jam në një detyrë që e bëjë me pasion dhe me gjithë vetëdijen time”.
“Pas vizitës së dytë, unë fola për Kosovën nuk fola në emër të Kosovës dhe nuk besoj se kam thënë diçka që nuk shkon. Por unë nuk merrem me, çfarë u tha, por merrem me kush e tha, pse e tha, çfarë mund të ketë mbrapa?”, është shprehur Rama. Rama u shpreh se po diskutohet që Porti i Durrësit të bëhet direkt pika hyrëse për mallrat në Kosovë.
