Kryeministri Rama gjatë takimit elektoral me qytetarët e Fierit ka komentuar edhe lëvizje e fundit të Presidencës ku Meta dekretoi datën 13 tetor si datën e re të zgjedhjeve.
Rama ka ironizuar takimin që kreu i opozitës Lulzim Basha dhe nënkryetari i LSI, Petrit Vasili bënë me Metën pak para se ky i fundit të dekretonte datën e re për zgjedhjet lokale.
Nga Fieri, kreu i qeverisë tha se zgjedhjet e 30 qershorit do të jenë një mesazh, për ata që ai i quajti karnavale politike, opozitën dhe presidentin.
“E kanë kuptuar se nuk është thjeshte zgjedhje vendore. Pro kur populli ka mundësinë që t’i japë një mësim shembullor karnavaleve që u mblodhën sot në selinë e revolucionit imagjinar. Do kishte qenë një fushatë ndoshta më e lehta nëse do ishte thjeshtë fushatë vendore. Veprat flasin më shumë se fjalët” ka thënë Rama.
g.kosovari
