Flakët e zjarrit kanë përfshirë një banesë në Gjegjan të Pukës. Ngjarja ka ndodhur në lagjen Haxhiaj të njësisë administrative Gjegjan, teksa mësohet se largësia e zonës me qendrën e Pukës dhe terreni e bën të pamundur ndërhyrjen në kohë të shërbimit zjarrfikës.
Nga zjarri është djegur plotësisht banesa. Fatmirësisht nuk ka pasur lëndime për anëtarët e familjes Ndoj.
Si pasojë e zjarrit që përfshiu banesën e Zef e Pjetër Ndoj, 5 anëtarët e familjes kanë mbetur nën qiell të hapur.
Shkak për zjarrin paraprakisht dyshohet një shkëndijë elektrike.
