Anëtarët e MEK pretenduan sot se janë dhunuar nga efektivët e policisë gjatë aksionit në kampin në Manzë.
Policia ka publikuar pamje nga operacioni, një hap ky i paralajmëruar edhe pak më parë nga ministri Çuçi dhe Drejtori i Policisë Muhamet Rrumbullaku në një konferencë për shtyp.
Në video duket momenti i ndërhyrjes së policisë, teksa disa prej tyre tentojnë të fshehin disa sende duke i futur në qese të zeza.
Më pas dy persona shfaqen me disa shkresa në duar duke i djegur ato para se të bien në duart e policisë shqiptare.
Në pamje duken edhe sallat me kompjuterë të cilët janë sekuestruar gjatë operacionit. Gjatë gjithë aksionit vihet re një rezistencë nga ana e muxhahedinëve ndërkohë që disa prej tyre hidhen para furgonit të policisë./m.j
