Dy të rinj, njëri nga Fieri dhe tjetri nga Kroacia merrnin makina me qira në Tiranë, i deklaronin ato të vjedhura dhe më pas i shisnin jashtë Shqipërisë. Në kërkim organizatori i skemës mashtruese. Është kjo skema që kanë përdorur Safet Rizvani 22 vjeç nga Fieri dhe Denis Dukiç 30 vjeç nga Zagrebi në Kroaci. Sipas Policisë së Tiranës të dy të rinjtë i merrnin makinat me qira nga kompani të ndryshme, i çonin në Serbi ose Maqedoni dhe më pas vinin përsëri në Tiranës për të bërë denoncimin si të vjedhura. Gjithashtu janë shpallur në kërkim edhe për dy të rinj të tjerë F.B dhe M.K.
Në këtë video të Policisë duket moment kur arrestohet Safet Rizvani dhe Denis Dukiç, të cilët kishin marrë me qira një makinë tip “Skoda Superb” dhe po e çonin jashtë Shqipërisë. Gjithashtu policia ka arritur të dokumentojë edhe një rast tjetër ku të njëjtët persona kishin marrë me qëra edhe një makinë tip “Skodia Oktavia” te një tjetër kompani në datën 26 nëntor të këtij viti dhe e kishin çuar në Serbi, ndërkohë që në 30 nëntor e kishin deklaruar të vjedhur në Kumanovë të Maqedonisë. Sipas Policisë kjo veprimtari është organizuar nga F.B, i cili tashmë është shpallur në kërkim. Të katër të rinjtë do akuzohen për veprën penale “Trafikim i mjeteve motorrike”. /ma.me