Një grua është aksidentuar për vdekje në rrugën Asim Vokshi pranë ish stacionit të trenit, në përpjekje për të shpëtuar dy fëmijët e saj. 37 vjeçarja, Dhurata Prifti, ishte duke kaluar rrugën me fëmijët e saj, në momentin që makina e tipit “Mercedes Benz”, me një shpejtësi të madhe, ka goditur dhe më pas shtypur gruan duke i kaluar përsipër.
Përpara aksidentit, e reja ka shtyrë fëmijët e saj, duke parandaluar kështu një tragjedi të vërtetë. Dhurata Pirfti ndërroi jetë pak orë më pas në spital.
Policia u vu në ndjekje të autorit, i cili u largua me shpejtësi nga vendngjarja. Pas 4 orë kërkimesh, ai është identifikuar dhe arrestuar.
Bëhet fjalë për Andrea Memollarin, një djalë 20 vjeçar, i cili në vitin 2015 është arrestuar për shkak se ka tentuar të korruptojë një oficer të policisë me një 5 mijë lekësh.
Video e mëposhtme tregon momentet kur ai është arrestuar. (Pamje nga news24)
I riu ka patur një pasion të tepruar për shpejtësinë, ashtu siç tregon dhe kjo video e postuar prej vetë Memollarit, ku ai tregon se është duke i dhënë mjetit me 200 km/h.
19-vjeçari Andrea Memollari e pa Muzeun Kombëtar për herë të parë jo si një vizitor, por si një i dënuar. (Kronikë e gushtit 2015, e TCH, kur Memollari është detyruar nga gjykata të bëjë punë në komunitet)
37 vjeçarja Dhurata Prifti, nëna që shpëtoi fëmijët e saj dhe humbi jetën në spital ishte kampione e sportit të qitjes. 
java/a.k
