Forumi Rinor zgjodhi Kukësin për të ndezur një qiri për shpirtin e Florencit, sepse Kukesi sipas tyre është zona simbol me emigracionin më të lartë të rinisë në këto 4 vjet.
Kryetari i FRPD-së, Belind Këlliçi dhe të rinjtë e tjerë me gjestin e tyre bënë një ngushëllim për familjen, për këtë humbje të pazëvëndësueshme.
“Por qirinjtë e ndezur në Kukës janë edhe një revoltë e heshtur e të rinjve kundër braktisjes nga qeveria, simbol i të cilës tani është Florenci, që u detyrua të emigrojë 3 vjet më parë dhe të kerkojë azil në Francë”, u shprehën të rinjtë e FRPD.
“Florenci emigroi sepse asnjë shpresë nuk shihte më në horizont. Kjo qeveri e kriminalizuar, që çdo ditë mendon veç për xhepat e pushtetarëve, e mbjell çdo vit varfëri e mjerim, nuk gjeti dot asnjë fjalë ngushëllimi për Florencin, se për t’u interesuar për atë çfare i ndodhi, as që mund të pritej prej saj. Si Florenci janë me qindra të rinj që enden rrugëve të Europës, sepse qeveria nuk mendon asnjë sekondë për punësimin dhe te ardhmen e tyre”, tha kreu i FRPD, Belind Kelliçi.
“O artist, a do të behesh kryeministër ti apo jo!” “Lëri çitjanet se po të vdes populli”, ishin disa nga thirrjet që u dëgjuan sot para Kryeministrisë, në homazhet për të riun që u masakrua barbarisht në Francë.
Me pankarta në duar ata kërkuan që të sillet në Shqipëri trupi i të riut që humbi jetë si dhe kërkojnë drejtësi për atë që i ndodhi Florencit në Francë.
Nëna e të ndjerit ka hedhur akuza të forta ndaj shtetit francez duke u shprehur se i kanë vrarë djalin.
“Kërkoj drejtësi, dua trupin e Florencit në Shqipëri. Florencin e ka vrarë policia franceze. Tubin ia kanë hequr djalit kur babai ka qenë jashtë”, është shprehur e ëma Laureta Beqiri.
