Në Shtetet e Bashkuara, trajtimi i emigrantëve është kthyer në çështje kryesore.
Në kulmin e debateve, në rrjetet sociale është përhapur një video ku shfaqen momentet kur një studente meksikane keqtrajtohet nga policia.
20-vjeçarja Samantha Alonso Luna pasi ndalohet nga policia, pyetet për identitetin e saj.
Ajo tregon emrin e plotë ndërkohë policja tregohet dyshuese se pse ajo përdor dy mbiemra.
Samantha i përgjigjet se nga origjina e saj meksikane ka dy mbiemra. Në ato momente, policja i kërkon të dalë nga makina për ta shoqëruar.
Por vajza reziston dhe ajo e tërheq zvarrë. Në një moment e kap nga flokët dhe i thotë se është një hap nga burgu.
E gjithë skena e shëmtuar është filmuar nga shoqet e Samanthës. Videoja u shpërnda në rrjetet sociale dhe policia ka marrë kritika të shumta për këtë sjellje./a.m.
