Policia e Richland raportonte dje pasdite për një “incident me armë në dyqanin e Walmart” ndërsa disa orë më vonë u raportuan për të shtënat brenda dyqanit.
Policia në Mississippi ka qëlluar për vdekje një grua që mbante një punonjëse të marketeve Walmart, në ngjarjen e rëndë të regjistruar në kamera dje në SHBA.
21 vjeçarja Corlunda McGinister u qëllua për vdekje nga oficerët në supermarketin e qytezës së Richland pasi çuditërisht ishte lutur të fliste me një prezantues lajmesh, teksa mbante peng punonjësen e tmerruar, sipas autoriteteve dhe pamjeve të incidentit tragjik.
Në pamjet e shpërndara online shihet gruaja e cila duket (jo qartësisht) se mban një armë teksa bën kërkesat e saj specifike.
“Hej, më sillni një prezantues lajmesh këtu menjëherë,” thotë gruaja që mban një objekt në dorën e djathtë ndërsa me tjetrën mban pengun e saj.
Pengmarrësja raportohet se kishte thënë se nuk donte të lëndonte njeri, por kishte refuzuar thirrjet e policisë për të lënë të shkonte pengun gjatë episodit të rëndë.
“Nuk dua të lëndoj njeri,” thotë gruaja. “Më sillni një prezantues lajmesh.”
Në pamje shihen oficerët që i kërkojnë të lëshojë pengun dhe të hedhë armën, ndërsa ajo vijon të kërkojë prezantuesin e lajmeve.
Kreu i policisë së Richland, Chief Nick McLendon tha për rrjetin WAPT se incidenti ishte i rëndë për të gjithë.
Ai shtoi se askush tjetër nuk ishte plagosur në konfrontim. Autoritetet thanë se po hetojnë ngjarjen dhe motivet e viktimës, por deri tani asnjë informacion shtesë nuk është bërë i ditur, sipas rrjetit vendas WLBT./m.j
Viral video posted to TikTok showed an apparent hostage situation unfold at a Walmart in Richland, Mississippi. A woman held a Walmart employee at gunpoint. News reports indicate the suspect was shot dead by police. No other injuries were reported. : 504bigmama pic.twitter.com/KZKYPTn0jC
— Malik Earnest (@MalikEarnest) December 22, 2022
