Dy shpërthime të njëpasnjëshme dhe të shtëna me armë zjarri kanë tronditur mbrëmjen e djeshme aeroportin “Ataturk” të Stambollit. Mediat ndërkombëtare
raportojnë se janë regjistruar dy shpërthime në ambientet e aeroportit, ndërsa të shtënat me armë janë dëgjuar në parking. Autoritetet kanë konfirmuar vdekjen e 36 personave dhe plagosjen e rreth 147 të tjerëve.
Ndërkohë në rrjetet sociale po qarkullon një video, ku duket qartë momenti kur njëri prej kamikazëve hedh veten në erë, pasi është plagosur nga një polic i aeroportit.
Kamikazi shtrihet në tokë i plagosur dhe duke u ‘përpëlitur’ aktivizon eksplozivin që kishte në trup.
