Një djalë një vjeçar është ngrënë i gjallë dhe babai i tij është plagosur rëndë nga një krokodil teksa po vozisnin në një lumë në Malajzi.
I vogli u rrëmbye nga kanoja ndërsa i ati e kishte marrë me vete në peshkim në brigjet e Lahad Datu në Sabah të enjten në mëngjes.
Babai i tij u përpoq të shmangte zvarranikën e egër, por nuk ia doli dot.
Ai mbeti i plagosur me plagë të shumta nga kafshimet e krokodilit, duke përfshirë dhe një plagë të thellë në kokë.
Fshatarët shpëtuan babanë, një burrë rreth të 40-tave, por krokodili e kishte tërhequr tashmë djalin e tij në thellësi.
Më vonë krokodili doli në sipërfaqe me trupin e gjymtuar të të voglit në nofullat e tij përpara se të zhytej përsëri në ujë me kufomën.
Sumsoa Rashid, kreu i Agjencisë së Zjarrfikësve dhe Shpëtimit Lahad Datu, tha: “Babai pësoi lëndime të rënda në kokë dhe në trup. Djali i tij është i zhdukur./m.j
