Policia rrugore ka vijuar me operacionet e saj blic në të gjithë vendin. Në videon e mëposhte jepet një rast ku efektivi i policisë i vë gjobë shoferit për mosvënien e rripit të sigurimit. Në këto momente qytetari i drejtohet policit duke i thënë se sa kishte hipur në makinë.
Për më tepër shikoni videon dhe debation mes efektivit dhe qytetarit,.
Njoftimi i policisë
Gjatë ditës së sotme ka vijuar operacioni i shtrirë në 12 qarqet e vendit, në akset kryesore dhe zonat urbane. Aksioni për vendosjen e rripit të sigurimit dhe mospërdorimin e celularit gjatë drejtimit të mjetit. Operacioni nisi në orën 11:30 dhe zgjati deri në orën 12:30 ku u angazhuan rreth 580 punonjës Policie në total. Ndërsa në të gjithë vendin ngritën e funksionuan 114 pika kontrolli në të gjithë vendin.
Policia Rrugore e mbështetur dhe nga Patrullat e Përgjithshme dhe Shqiponjat vendosën:
81 masa administrative për mosvendosje të rripit të sigurimit.
123 masa administrative për përdorim të celularit gjatë drejtimit të mjetit.
Si dhe 148 masa administrative për shkelje të tjera, si shpejtësi tej normave të lejuara, për mosvendosje të kaskës mbrojtëse etj.
Operacioni ka për qëllim rritjen e parametrave të sigurisë rrugore, ndërgjegjësimin e qytetarëve për rëndësinë e vendosjes së rripit të sigurimit, për mos përdorimin e celularit gjatë drejtimit të mjetit por edhe të respektimit të rregullave të qarkullimit rrugor në tërësi./a.ç
